Манай байгууллагын захиалгууд ихэвчлэн Photoshop болон Illustrator -аар гүйцэтгэх дараах төрлийн ажлууд байдаг.
Дизайнер өөрөө шинээр санаа гаргаж, зохион бүтээх гэх мэт шаардлагыг бараг тавьдаггүй тул яг захиалагчийн хүссэнээр түргэн шуурхай гүйцэтгэтгэхийг урьтал болгоорой.
[Photoshop]
Photoshop дээр хийх ажлын хувьд ажлын хөлсийг ширхэгээр тооцох, цагаар тооцох гэсэн хоёр төрөлтэй
Хамгийн их орж ирдэг захиалга нь зургийн background салгах ажил байдаг.
Баннер хийх гэх мэт бүтээлч санаа шаардсан ажил бараг байхгүй. Photoshop-ийг сайн эзэмшсэн л бол хэн ч хийж болохоор хялбар ажлууд байдаг. Гол тавигдах шаардлага нь хурдан, гүйцэтгэл сайтай байх.
- Зураг тайрах (Crop)
Захиалагчийн хүссэн хэмжээгээр зургийг тайрна. Маш хялбар ажиллагаатай.
Жишээ нь 750*1000px хэмжээгээр зураг дээрх бараа бүтээгдэхүүнийг нүдэнд сайн тусахуйцаар байрлуулах. Ийм заавар бүхий ажлыг гүйцэтгэхэд 1 цагт 100 орчим зургийг тайрах боломжтой байдаг. - BG салгах (Remove background)
Хамгийн эрэлттэй байдаг захиалга.
Хувцас, гутал, гоёл чимэглэл, нохой, муур, хүн-модель зэрэг суртчилгааны зургийн арын фон BG-г салгах ажлууд.
Хийж дууссан ажлын файлаа PNG хэлбэрээр эсвэл PSD хэлбэрээр нь явуулна.
Нэг зургийг хийхэд зарцуулах хугацааг манай байгууллагын зүгээс тооцож үзээд, ажлын хөлсийг урьдчилан тогтож мэдэгдэнэ. - Сүүдэр нэмэх
Зургийн BG арилгах ажлын хамтаар тухайн зургийн эх хувьтай ижил натураль байдлаар сүүдрийг нь оруулах ажил орж ирэх тохиолдол бий. - Өнгө өөрчлөх
Цүнх, гутал, хувцасны өнгийг өөрчлөх ажил. Жишээ нь цагаан цүнхийг угийн хар өнгөтэй байсан мэт өөгүй натураль байдлаар өнгийг нь өөрчлөх гэх мэт ажлууд энэ ангилалд багтана. - Хэлбэрийг өөрчлөх засах, retouch хийх
Тухайн зураг дээр буй цүнх, хувцас хэрэгслийн хэлбэрийг засч өөрчлөх ажил. Жишээ нь хувцасны үрчгэр хэсгийг тэнийлгэх гэх мэт. - Эвлүүлэг
Хувцас, амьтан, эд юмсын зургийг хооронд нь эвлүүлэх.
Хувцасны хувьд брендийн марк, шошгыг арилгах, манеканд өмсгөсөн байгаа хувцасны урд хэсгийг арын хэсэгтэй нь нийлүүлж эвлүүлэх гэх мэт ажлууд хийгддэг.
Мөн гэрийн тэжээвэр амьтдын зургийг хувцас өмссөн мэтээр эвлүүлж өгөгдсөн фон дээр оруулах гэх мэт захиалгууд хийгддэг.
Эд юмсын зураг эвлүүлэх гэх ангилалд ямар нэг бүтээгдэхүүний сурталчилгааг гар утасны дэлгэцэнд байрлаж буй мэтээр эвлүүлж оруулах ажил орно. Мөн лого зурсны дараа Mock up файл болгох гэх мэт ажлууд багтана. - Variation
Солонгост дийлэнх байгууллагууд Google гэх мэт томоохон онлайн сайтад баннераа байршлуулж үйл ажиллагаа, бүтээгдэхүүнээ сурталчилдаг. 1080*1080 хэмжээтэй баннерийг эхэлж хийгээд дараа нь тухайн эхийг ашиглан байршуулах сайт бүрийнхээ онцлог, шаардлагад тохирсон
хэлбэр хэмжээ, загвараар шинэ хувилбар гаргуулах буюу variation хийлгэх захиалга их байдаг.
Бэлэн эх хувийг ашиглан хэлбэр хэмжээг нь өөрчлөхдөө эх хувиас аль зураг, текстийг нь оруулж, хэрхэн байрлуулах вэ гэдэг хамгийн чухал байдаг.
Захиалагч тал чухал оруулах ёстой хэсгүүдийг тэмдэглэж өгөх ба, түүнийх нь дагуу тус баннерт орох зураг, текстийг хүссэн хэлбэр, хэмжээнд нь тохируулан байршуулна гэсэн үг юм.
Ийм ажлын зургууд эффект багатай, ажиллагаа цөөн байдаг тул нэг цагт дунджаар 10 орчим ш баннер хийх боломжтой байдаг.
Онлайн тоглоомын сурталчилгааны баннерийн хувьд төрөл бүрийн нэмэлт эффект их оруулдаг тул
1 цагт 5ш орчмыг хийх боломжтой байдаг.
Жишээ харах >>>
[Illustrator]
Манайд орж ирдэг Illustrator программ дээр гүйцэтгэх захиалгын дийлэнх нь хэвлэлийн эх бэлтгэлийн ажил байдаг. Мөн зарим тохиолдолд хуучин логог vector file болгон сэргээн зурах ажлууд байдаг.
Доорх төрлийн ажлуудыг ихэвчлэн гүйцэтгэх ба, дийлэнх тохиолдолд ажлын хөлсийг цагаар тохиролцоно.
- Зургийг vector болгох
Логог ai файл болгохын тулд эх хувилбарын зураг, гараар зурсан зураг зэргээс харж дуурайлган зурах ажил. Ихэнх тохиолдолд ямар нэг албан дугтуй, бланк дээр хэвлэх зорилгоор логог сэргээн зурдаг.
Ажиллагаа их багаас хамааран 1 логог зурахад 1-2 цаг зарцуулагддаг. - Өнгө өөрчлөх
Бараа бүтээгдэхүүний танилцуулга, брошюр зэрэгт буй зургийн өнгийг өөрчлөх ажил - Албан дугтуйн хаяг, агуулгыг оруулах
Албан байгууллагын албан дугтуйн хэвлэлийн эхийг бэлтгэх, агуулгыг захиалагчийн хүссэнээр байрлуулах .
Тогтсон загвар файл дээр өнгө/лого/ байгууллагын мэдээллийг оруулж байрлуулна. - Хоолны газрын тооцооны хуудасны эх бэлтгэх
Хоолны газрын менью, үнэ зэрэг мэдээллийг (Солонгосоор) хүснэгтэд оруулан тооцооны хуудсын эх бэлтгэнэ - Байгууллагын бүртгэлийн хуудас, анкет, гэрээний эх бэлтгэл
Захиалагчийн зүгээс эксел файл дээр бэлдэж өгсөн гишүүнчлэлийн анкет, төрөл бүрийн гэрээ зэргийн эхийг Illustrator дээр бэлтгэх ажил
